Ihre Browserversion ist veraltet. Wir empfehlen, Ihren Browser auf die neueste Version zu aktualisieren.

 

d'Lumpesammler sueche e Tambour oder e Tambourin

 
Mr sinn
d Lumpesammler, e stadtbekannt schreege Huffe vo 22 fasnächtlige QuerdänggerInne absyts fo usträddene Pfaad.

drby 5 Dambuure, spezialisiert uf musikalisch subtili Beglaitig vo schöne Pfyffermelodie und handfescht rurals Ruesse.

inschtruiert vom Benno Hungerbühler, au Huus-Komponischt (Fischmärt, Drachenäscht, Pfyffergruess, Parachutiste, Gershwin, Espagnol)
 
Mr heisse
Peter Gschwind, Benno Hungerbühler, Claude Kuhn, Xoff Pardey und Peter Waldmeier.
 
Mr musiziere
syt über 20 Johr luscht- und aaspruchsvoll und nämme (fascht) jedi Uuseforderig aa.
 
Mr laufe
als paradiesisch Blutti, futuristischi Blauköpf, groovigi Elvisser, blondi Surfer, singendi Matrose oder draage s Volggslaervli – sprich: d Lümpe folge nit, si setze Trends.
 
Mr sueche
1 bis 2 schreegi Rundveegel als Verstärggig fonere einzigartige Dambuuregrubbe.
 
Mr waenn
ebe no satter wärde. Syt d Pfyffer uff 15 uffgschtoggt hänn, miemer eifach z fil schaffe, um glichzytig die schöni Musig z gniesse.
 
Mr biete
en Universum an musikalische Höheflüg, garniert mit de schreegschde Sujets fo dr Fasnachts-Offszene.
 
Mr vrlange
nit fil: Luscht, Ambition, Isatz, Engagement und drummlerische Power.
 
Mr iebe
intensiv logger bestimmt jede Donschdig zoobe im Räbhuus, vo zirca Oschtere bis Fasnacht.
 
Unser Repertoire isch:
Yellow Rose of Texas, Drachenäscht, Sousa, Gazpacho, Pfyffergruess, 3. Värs, Parachutiste, Gershwin, Veegel, Espagnol, s Fritzli, Brunnemärschli, Fischmärt, Festival, Schlauracher, Ohremiggeli, Nunnefirzli, Naarebaschi, Glopfgaischt, 10. Värs und sogar d Feschtspil, Armagnac
Unseri Pfyffersoli
Spalebärg, Jubilate, Rhysprung, Altfrangg, Barogg, Lumpesammler, Bonaparte, Draiörgeli, Auprès de ma Blonde
Unseri Drummelmaersch
Ueli, Gorilla,  Drummler, Celanese, Pumperniggel, Dreier, Marching Drummer, Zic Zac
 
Hesch grausam Luscht griegt? 
Denn wart nit, schrib em Benno e kurzi Notiz oder lüt em aa:

Benno Hungerbühler
hungerbuehler.ben [at] bluewin.ch
Telefon 061 313 54 60